eng.omar1987

Diodes With Applications شرح

8 ردود في هذا الموضوع

Diodes

diodes.gif

رمزه فى الدوائر

diode.gif

طريقه توصيله :

أولاً لازم نعرف حاجه ان الدايود ده له طرفين

واحد منهم اسمه انود والتانى كاثود

وعلشان الديواد ده يوصل التيار لازم يكون جهد الأنود اكبر من جهد الكاثود

طيب لو حصل وكان جهد الكاثود هوه الكبير هيحصل أيه ؟؟

هيعمل open circuit ومش هيسمح بمرور التيار

تابع الصور

diocon.gif

التوصيل reverse

diode.gif

واخدين بالكم انه مش هيمر تيار خالص لانه وصل الأنود + بالطرف السالب للبطاريه

ووصل الكاثود بتاع الدايود بالموجب

فبالتالى الحاله ديه اسمها reverse connection

وديه الدايود بيكون فيها open circuit

وبيمنع مرور التيار

forward التوصيل

diod1.gif

فى هذه الحاله هيمر التيار بكل سهوله

بص معايه على هاتين الدائراتين هتلاقوا ألى على اليمين متوصله reverse

وألى على الشمال متوصله forward

Topic_61.gif

ديه كتجربه عمليه علشان تعرف أمتى بيمر اتليار وأمتى مبيمرش

الدائره ألى جوها حرف M ده موتور

هات واحد موتور صغير من أى لعبه وانزل أشترى دايود وجرب طريقتا التوصيل

تم تعديل بواسطه eng.omar1987
0

شارك هذا الرد


رابط المشاركة
شارك الرد من خلال المواقع ادناه

أنواع الدايودات :-

Topic_63.gif

احنا حطينا فوق شكل الدايود العادى ورمزه هو الرمز ألى على الشمال خالص

لكن فيه أنواع تانيه من الدايودات ورموزها موجوده فى الصوره

light emitting diode :- ( led )

led.jpg

هو دايود دوئى يعنى أول لما بيمر فيه تيار بينور

وطريقه توصيله زى الدايود العادى له برضوا طرف انود وطرف تانى كاثود ولازم يتوصل forward علشان يمرر التيار

طيب أزاى نعرف ال anode

أحنا فوق كانت واضحه قدامنا لان كان فيه خط على الدايود بيوضح لنا كل حاجه

طيب هنا رجلين هنعمل معاهم أيه

أنا أقولك يا سيدى .....

ركز كده شويه فى الصوره هتلاقى فيه رجل كبيره ورجل تانيه صغيره

الرجل الكبيره ديه هيه الأنود والتانيه كاثود

طيب نفرض انك أشتريت واحد رجليه الأتنين زى بعض هتعمل أيه

هات بطاريه وجرب توصيلها مع الدايود

او لما ينور الدايود فبكده هيكون الطرف المتصل مع الموجب هو الأنود والتانى كاثود

لكن فيه حاجه انا لاحظتها لما كنت باوصله مباشره مع بطاريه 9 فولت كان بينور جامد اوى وبعد كده يتحرق

فالحل للموضوع ده انك توصل على الأنود بتاعه مقاومه مناسبه تمنع من احتراق الدايود الضوئى

يعنى حوالى 100 او 50 أوم

=====================================

Zener diode

Topic_3.gif

واخدين بالكم يا جماعه من الدائره ألى على اليسار ديه

ده موصل الزينر دايود توصيل reverse

طيب هوه وصله ليه كده وهل هيشتغل الزينر ولا هيعمل open circuit زى الدايود العادى ؟؟

بص يا سيدى صلى على النبى

الزينر دايود يختلف عن الدايود فى عمليه التشغيل

يعنى الزينر وظفته واستخدامه الأساسى فى حاله التوصيل reverse

طيب أزاى ؟؟

انا أقولك

انت اشترى زينر 5.6 فولت ووصله reverse مع بطاريه 9 فولت

وقيس الجهد الناتج من الزينر

هتلاقيه الجهد الناتج هو 5.6

طيب لو حطينا بطاريه 7 فولت او 8 فولت أو 10 فولت

هتلاقى برضوا الجهد الناتج هو 5.6 فولت

يعنى معنى كده أنه لما بيتوصل Reverse بيعمل فرق جهد على طرفيه

اه يا ريس بالظبط كده زى ما أنت قولت

طيب ده انا ممكن استخدمه فى أيه ؟؟؟

انا أقولك أحياناً فى دوائر الجهد فيها بيطلع وينزل وانت عاوز تحافظ عليه على مستوى معين

يبقى فى الحاله ديه تستخدم صحبنا الزينر دايود

وده انت بتروح تشتريه من الراجل وتقوله عاوز زينر جهده معين

يعنى 5 او 6 او 8 على راحتك حسب التصميم بتاعك

طيب لو وصلنا الزينر ده forward هيحصل أيه

هيشتغل زى الدايود بالظبط منغير اى مشاكل

بس مفيش واحد بيعمل دائره هوه محتاج فيها Diode يحط بداله زينر

لانه كده هيدفع فلوس اكتر لان الزينر أغلى بكتير من الدايود حوالى فرق جنيه او جنيه وربع

يعنى لو بيعمل انتاج كبير لحاجه معينه يبقى كده هيخسر

فلازم دائماً وانت بتصمم حاجه لازم تختار الأرخص والأسل وألى يؤدى لك الغرض

photo didoe

118px-Photodiode.jpg

photo_diode.jpg

250px-Photodiode_symbol.svg.png

طريقه معرفه الانود والكاثود بطرقه الرجل الكبيره هيه الأنود والتانيه كاثود

الدايود ده فكرته أنه عند سقوط الضؤ عليه تتولد ألكترونات بين الأنود والكاثود تسمح بمرور التيار الكهربى

لكنى لازم يتوصل reverse علشان يؤدى العمليه ديه

تم تعديل بواسطه eng.omar1987
0

شارك هذا الرد


رابط المشاركة
شارك الرد من خلال المواقع ادناه

Diodes Applications

1- استخدامه فى الحمايه مع ال relay

2-استخدامه فى عمل full wave rectifiers

3- half wave rectifiers

أولاً استخدامه فى الحمايه :-

يتم توصيله فى الدائره كما بهذا الشكل

diopro.gif

للتوضيح أكثر بيتم توصيله بالتوازى مع الملف بتاع ال realy لكن بيتوصل زى ما أنتم شايفين revers

طيب ليه احنا وصلنا revers وهنستخدمه فى حمايه أيه بالظبط ؟؟

انا أقولك يا سيدى ...

انت طبعاً عرفت من شرح ال relay انه أول لما بيجى على الملف بتاعه جهد بيولد مجال مغناطيسى بيسجب بيه الريشه بتاعه المفتاح فيعمل عمليه التوصيل طيب بعد من الجهد ده بيقف هيحصل أيه

هيحصل حاجه غريبه جداً

أول لما الجهد بيقل فى الملف بيتولد فيه emf عكسيه كبيره جداً ده لو وصل للترانزيسور بيبوظه طيب علشان نحمى الترانزيستور فقمنا بوضع الدايود ألى قدامكم ده ووصلنا revers علشان أول لما تتولد قوه دافعه كهربيه كبيره (emf) بيتحول الى forward ويمر فيه التيار كله وبيمنع وصوله للدائره

استخدامه فى عمل ال half wave and full wave rectifiers :-

أولا لازم نعرف شويه عن كميه التيار الى ممكن يستحملها الدايود و أقصى جهد يستحمله

بص على الجدول ده علشان تفهم الموضوع أكتر

table2rx6.gif

واخد بالك انه كاتب لك maximum revers voltage يعنى لو أنت وصلت الدايود revers وزدت عن قيمه الجهد ده الدايود خلاص هيحصل له عمليه اسمها break down ويبقى سلكه ملهوش اى لزمه

استخدام الدايود فى Half wave rectifer :-

توصيلها بيكون بالشكل ده

onediode.gif

احنا طبعاً شفنا ان الأشاره ألى داخله AC sine wave

يعنى نصف الأشاره موجب والنص التانى سالب

طيب فى النصف الموجب هيكون الدايود متوصل forward يعنى هتعدى النصف الموجب

طيب فى النصف السالب هيحصل أيه ؟؟

فى النصف السالب هيكون على الأنود سالب وببكده يبقى متوصل reverse يبقى زى ما قلنا الدايود مش هيوصل حاجه والنصف السالب مش هيعدى

وهيكون خرج الدائره هو الأنصاف الموجبه فقط من ال sine wave والأنصاف السالبه اتشالت

dchalf.gif

طيب أيه هيه القنطره او Bridge او full wave rectifer:-

هى عباره عن اربع دايودات متوصلين بالشكل ده

brect.gif

زى ما أنتم عارفين ان ال AC input متغير القطبيه على طول يعنى مره سالب ومره موجب

فاول لما هيعدى على ال bridge ديه

هيكون الخرج

dcvary.gif

انا مش هشرح الخرج ازاى بقى كده عاوزكوا تركزوا فى الرسمه بتاعه ال Bridge وانا جايب لكم واحده animated شوفوا الدايودات بتبقى forward امتى و revese أمتى واربطها بالشكل بتاع الخرج المرسوم قدامكم

أتمنى يكون الشرح واضح لكم واسلوبه مبسط وسهل انه يتفهم

أخوكم عمر

وبإذن الله فيه شويه دروس كمان قادمه فى السكه

تم تعديل بواسطه eng.omar1987
1

شارك هذا الرد


رابط المشاركة
شارك الرد من خلال المواقع ادناه

ممتاز جدا اخي عمر والشرح واضح وبسيط بارك الله فيك

0

شارك هذا الرد


رابط المشاركة
شارك الرد من خلال المواقع ادناه

اضافة ممتازة وشرح سهل ويمكن ان تكون سلسلة كاملة للتعريف بالقطع الكهربائية والالكترونية

تم تعديل بواسطه عماد الخليل
0

شارك هذا الرد


رابط المشاركة
شارك الرد من خلال المواقع ادناه

أخى العزيز المهندس/ عمر

لك منى كل تحية وتقدير على هذا المجهود الرائع الذى كنت أبحث عنه من سنين كثيره والحمد لله عثرت

عليه وياريت يكون فيه أكثر من ذلك بارك الله فيك ولوالديك على هذا العمل العظيم

أخــــــــــــــــوك

أســـــــــــــــــــــامــــه

0

شارك هذا الرد


رابط المشاركة
شارك الرد من خلال المواقع ادناه

شكراُ لك بالفعل شرح في غاية السهولة بس محتاجة تركيز حبه ..الله يوفقك شرحك بالبلدي ..لو مصري حيفهم بثواني ..

واحنا متعودين على الشرح المصري ...مشكوووور

0

شارك هذا الرد


رابط المشاركة
شارك الرد من خلال المواقع ادناه

مشاركة متميزة بشمهندس عمر ... الله يجازيك كل خير

0

شارك هذا الرد


رابط المشاركة
شارك الرد من خلال المواقع ادناه

من فضلك سجل دخول لتتمكن من التعليق

ستتمكن من اضافه تعليقات بعد التسجيل



سجل دخولك الان

  • يستعرض القسم حالياً   0 members

    لا يوجد أعضاء مسجلين يشاهدون هذه الصفحة .