Ahmed Metwally

كورسات و شهادات معتمدات

46 ردود في هذا الموضوع

( أنا من هذا المكان أرشحه لجائزة العضو المميز ، فالعبرة ليست بعدد المشاركات ، ولكن "بقيمة" المشاركات )

عضو مميز !

يا راجل ده الناس دخلت تعيط من الموضوع

يعنى خليها جايزة أفضل قصة درامية احسن :D

0

شارك هذا الرد


رابط المشاركة
شارك الرد من خلال المواقع ادناه

السلام عليكم ورحمة الله وبركاته...

اخي python بصراحة انا اريد ان اشكرك كثير على هذا المقال لأني من فترة وانا عايز اكتب مثل هذا المقال وما انا اواجه هذة المشكلة حالياً

طبعا انا في اليمن والوضع عندنا اسؤا من عندكم في مصر لأن كل حاجة عندنا بتمشي بفيتامين (و) وهي الوساطة, فأنا خريج بكالوريوس علوم حاسوب والحمدلله كنت الأول على الدفعة بتقدير ممتاز مع مرتبة الشرف (على فكرة انا ذكرت هذة النقطة علشان تعرفو الوضع مش علشان اتباهى بها).

المهم اول ما اتخرجت حصلت على عمل في مركز تدريب عن طريق المشرف على مشروع التخرج بتاعي, اشتغلت 8 ثمانية اشهر كمدرب(مدرس) لمواد في تقنية المعلومات وحصلت ظروف في المركز وأضطررت للخروج مع عدة موظفين أخرين لعدم قدرة المركز على تسديد الرواتب بسبب مشاكل قضائية بين الشركاء, على العموم مش مهم السبب

بعدها قمت ادور على وظيفة وكل يوم ازرو الشركات واقدم الcv هنا وهناك....بقية القصة معروفة لديكم

والان لي اكثر من خمسة اشهر وما زلت اواجه هذة المشكلة حالياً بالاضافة الى عدم وجود الوساطة او معرفتي باشخاص يمكنهم ان يتوسطو لي مع اني ضد هذا المبدأ واريد أن اشق طريقي عن طريق قدراتي وخبرتي وليس عن طريق الوساطة...

على فكرة حالياً اعتبر شبه عاطل لأني أشتغل في مركز آخر بالساعات ويقوموا باستدعائي عند الحاجة فقط..يعني مرة اشتغل اسبوعين وبعد شهر او شهرين اشتغل اسبوع وهكذا...

لا أنكر انني في بعض الأحيان اشعر باليأس ولكنني دائما ما اتغلب على اليأس لأن مسألة الشغل من عند ربنا ورزقك مكتوب لك وحتحصله, ولكن ليس معنى هذا ان تبقى منتظر في البيت وتقول رزقي حيجيني لما عندي..لا و لا و ألف ألف لا

ربنا يقول اسعى يا عبدي..يعني ابحث اعمل دور شوف هنا وهناك ,يعني المسألة محتاجه جهد.

وأنا عندي فكرة يا شباب ما رأيكم لو نحول هذا المقال الى مقال ايجابي اكثر...يعني بدل ما نجلس نذكر المشكلة ونندب حظنا فقط, ما رأيكم ان نتحدث عن الحلول

مثلا ايش رأيكم لو كل واحد يعطينا أفكار من عنده بخصوص ايش اللي ممكن الواحد يعمله علشان يحصل على وظيفة وايش الطرق التي تسهل ذلك وطرق التقدم الى الشركات أو كيف يتجه...الخ

وارجوا ان الجميع يقوم بالمشاركة للأهمية سواءا كان عاطل او شغال...وشكرا

0

شارك هذا الرد


رابط المشاركة
شارك الرد من خلال المواقع ادناه
طبعا انا في اليمن والوضع عندنا اسؤا من عندكم في مصر لأن كل حاجة عندنا بتمشي بفيتامين (و) وهي الوساطة

و الله يا باشا إحنا معندناش غيرها تقريباً ... اللى هيا الواسطة

تقريباً معظم اللى بيشتغل فى حتة كويسة بيبئى معاه واسطة

و مش اى واسطة كمان

الواسطة عندنا بئت درجات

يعنى فى بعض الأماكن الواسطة مش اقل من وزير .. .. تخيل !

و فى شركة عندنا اسمها " القومية للتوزيع "

دى الشركة المسؤلة عن توزيع اى جريدة أو مجلة أو كتاب خارج مصر

الشركة دى التعيين فيها من خلال اتنين فقط

رئيس مجلس الإدارة و رئيس مجلس الشورى ( اللى هو الرئيس الأعلى لمجلس الصحافة )

وأنا عندي فكرة يا شباب ما رأيكم لو نحول هذا المقال الى مقال ايجابي اكثر...يعني بدل ما نجلس نذكر المشكلة ونندب حظنا فقط, ما رأيكم ان نتحدث عن الحلول

مثلا ايش رأيكم لو كل واحد يعطينا أفكار من عنده بخصوص ايش اللي ممكن الواحد يعمله علشان يحصل على وظيفة وايش الطرق التي تسهل ذلك وطرق التقدم الى الشركات أو كيف يتجه...الخ

كلام جميل

انا هتكلم عن مجال البرمجة لأن ده المجال اللى انا بدور فيه

اول حاجة الشركة بتعرفك من خلالها هى الـ CV

يبئى الـ CV لازم توضح كل أمكانياتك كويس و ماتسبش حاجة مهمة ماتكتبهاش

و فى نفس الوقت الـ CV لازم تكون خفيفة على اللى بيقرأها

يعنى ماتتعبوش علشان يكملها للأخر.

تانى حاجة

طبعاً عندنا مشكلة أن الشركات بتطلب ناس خبرة

طب نعوض الشرط بتاع الخبرة دى ازاى

يبئى لازم تكون عامل حاجة .. برنامج أو قاعدة بيانات أو موقع نت

البرنامج اللى انت هتعمله ده

هو اللى هيفتح لك السكة

لأنه هيقدمك للشركة بشكل كبير

يعنى هيعرفوا امكانياتك المبدئية ايه بالظبط.

الحاجة التالتة

و دى مش كل الناس بتعملها ... انا شخصياً معملتهاش

- حصر الشركات اللى شغاله فى المجال اياً كان حجمها

- البدأ بالشركات ذات الحجم الصغير

لأن فرصتك فى شركة صغيرة هتبئى أفضل بكتير

مرتبك هيبئى قليل بس مش مهم ..

بعدين هيكبر لما تكبر انت الأول.

الشركات الكبيرة عايزة واسطة و كلام من ده.

الخطوات دى انا بدأت فى تنفيذها

أنا جهزت برنامجين و شغال فى التالت

و اول مايخلص هبدأ فى الخطوة الأخيرة

التوجه الى الشركات الصغيرة

مش مهم الفلوس دلوئتى

المهم الواحد يحط رجله فى المجال

و بعد كده لو هو يستاهل

المجال هيرفعه و هياخد اللى هو عايزه

و ربنا يوفق الجميع

تم تعديل بواسطه python
0

شارك هذا الرد


رابط المشاركة
شارك الرد من خلال المواقع ادناه

الخطوات دى انا بدأت فى تنفيذها

أنا جهزت برنامجين و شغال فى التالت

و اول مايخلص هبدأ فى الخطوة الأخيرة

التوجه الى الشركات الصغيرة

مش مهم الفلوس دلوئتى

المهم الواحد يحط رجله فى المجال

و بعد كده لو هو يستاهل

المجال هيرفعه و هياخد اللى هو عايزه

python السلام عليكم يا استاذنا العزيز -

بعد التحية ، ايه الأخبار الجديدة دى ؟ انت ناوى تسيب مجال الجرافيك وتتجه للبرمجة ؟ أنا تخيلت انك مبسوط فى مجال الجرافيك

وخدت فيه خبرة جامدة وماشى فيه. ياريت اذا كان فيه عيوب لمجال الجرافيك قابلتك تقولنا عليها عشان تبقى الصورة كاملة .

- أنا سمعت من كذا مصدر فعلا معلومة ان مرتبات الجرافيك بتبقى أقل من مرتبات البرمجة ، وفسروا كده بأن السلم الوظيفى فى البرمجة طويل junior - senior - team leader - project manager - consultant لكن السلم الوظيفى فى الجرافيك قصير (نادر لما تلاقى مصمم senior ) ودى فعلا انا شفتها بنفسى فى اعلانات الوظائف

==========================

بس انا مش قادر أصدق و أعمم الكلام ده ، لأن أولا نفس المصادر أكدت ان مجال البرمجة بقت أكتر الشركات فعلا تشترط شرط

الكلية الحاسوبية ، وأن مجال الجرافيك هو أكتر مجال مفتوح للكليات غير الحاسوبية ( الحاسبات و المعلومات أساسا مابياخدوش جرافيك )

، فطبعا الهدف الأول ان الواحد يشتغل من أساسه.

==========================

- ثانيا انه فيه مستويات رهيبة من التميز فى الجرافيك ، فيه مواقع عربية و أجنبية شفتها عبارة عن أن الموقع كله فلاش فى فلاش ، ومعمول فيها شغل جميل جدا . ده غير شغل ال 3D studio max , Vray , Cinema 4D , Zbrush

ده فيه حاجات جامدة جدا ، ولما تدمج ده مع ده شوف بقى النتيجة ممكن تكون عاملة ازاى . فلو واحد خد خبرة جامدة فى الحاجات دى واشتغل فى وكالة دعاية وأعلان كبيرة (اللى أكيد بيكسبوا بلاوى طبعا ) هل هياخد مرتب زى واحد بيعمل شوية بانرات بسيطة فى موقع تعبان ؟ والاتنين فى الظاهر اسمهم مصممى جرافيك

===========================

- يا ترى ليك تعليق على موضوع المرتبات ده يا أستاذنا العزيز

python

0

شارك هذا الرد


رابط المشاركة
شارك الرد من خلال المواقع ادناه

sharif

كل الكلام اللى انت قلته بخصوص البرمجة و الجرافيك مظبوط

البرمجة فعلاً السلم الوظيفى بتاعها طويل و كل خطوة بسنين

الجرافيك يعتمد على مدى ابداعاتك و قدراتك الفنية

مافيش سلم فى الجرافيك

فى كويس و فى ممتاز و فى عادى

و ده يرجع للشخص نفسه

بس خلى بالك الشركات الجامدة اللى بتعمل شغل جامد

قليلة جداً و مش بتشغل اى حد

يعنى ماتحطهاش فى دماغك خالص و انت لسه بتبدأ

علشان ماتتعبش

و بخوص انى هسيب الجرافك و اتجه للبرمجة

السبب مالوش علاقة بعيوب الجرافيك أو مميزات البرمجة

السبب و بمنتهى البساطة

انى بحب الأتنين البرمجة و الجرافيك

و من سنتين قعدت مع نفسى علشان اخد قرار

انا هشتغل فى ايه

هكمل جرافيك ولا ابدأ برمجة

و الإجابة كانت سريعة و سهلة جداً

شغل الجرافيك بالنسب لى هواية و متعة

لكن

ايه الإنتاج اللى انت بتنتجه بالجرافيك

شوية صور حلوة مش أكتر

الصور دى هتنفع الناس بأيه ؟

مش هتنفعهم بحاجة

معلش دى فى الأخر شوية دعاية و إعلانات و حركات

عمرها ما هتساهم فى تقدم مجتمع

يبئى الواحد مايضيعش عمره و دماغة فى حاجات مش هتفيد

اما البرمجة

فالإنتاج بتاعها عبارة عن نظم معلومات

وبرامج تفيد المستخدمين فى عملهم اليومى

يعنى انتاجك شىء مفيد فعلاً

هتلائى البنوك فى شغلها بتعتمد على برامج

الشركات الكبيرة بتعتمد على برامج

حتى المحلات الصغيرة بتحتاج البرامج دى علشان شغلها يبئى مظبوط

ده غير نظم المعلومات الكبيرة

و دى الواحد ممكن يشارك فيها لما يكبر فى المجال

و بعدين بص كده على مجال البرمجة و الكمبيوتر و شوف كده مدى تأثيرة على العالم

و بص على مجال الجرافيك و شوف مدى تأثيره

و قارن بين الأتنين

و شوف النتيجة

واضحة طبعاً

شوف يا باشا

الرزق هيجيلك هيجيلك

قال عز وجل : (( وفي السماء رزقكم وما توعدون فورب السماء والأرض , إنه لحق مثل ما أنكم تنطقون ))

بس إحنا نسعى طبعاً

ده موضوع الرزق .. الى هو المرتبات

نيجى بئى لحياتنا نفسها

يا إما نعيش صح ... يا إما نعيش و خلاص

و نعيش صح بإن يكون لينا هدف فى الحياة

و يكون لينا تأثير ... مش مجرد ناس عايشة و خلاص

لاء

المسلم مش عايش و خلاص

المسلم رسالة

و قد قال عز و جل { وأعدوا لهم ما استطعتم من قوة ومن رباط الخيل ترهبون به عدو الله وعدوكم وآخرين من دونهم لا تعلمونهم الله يعلمهم وما تنفقوا من شيء في سبيل الله يوف إليكم وأنتم لا تظلمون } .

بالنسبة لى

انا مش شايف اى قوة فى الجرافيك

لكن البرمجة علم

والعلم قوة

0

شارك هذا الرد


رابط المشاركة
شارك الرد من خلال المواقع ادناه

السلام عليكم ورحمة الله وبركاته.كيف حالكم يا أخوان..

اعتذر عن غيابي بسبب سفري لمدينة اخرى... وسبحان الله رحت علشان اقابل في شركة موجودة خارج البلاد وما حصلش النصيب, وقبل أن أعود بساعات فجأة قررت ليش ما أكسب الفرصة وبما أنني موجود في هذة المدينة ليش ما أقدم الـ cv في الجامعات الخاصة حيث وان الدراسة في الجامعات الخاصة ستبدأ بعد العيد.. المهم رحت وقدمت في اكثر من جامعة وكنت اطرح الملف ويقولو إن شاء الله نتواصل معك وقدمت ملف في جامعة وتفاجأت بأن السكرتيرة ادخلتني الى عميد كلية نظم المعلومات والذي قام بمقابلتي على الفور وتحدث معي ولاحظت انه معجب بمؤهلي وبقدراتي ووعدني نه سيتم التواصل معي في الاسبوع القادم وقد يطلب مني تقديم عرض presentation ثم سأقابل رئيس الجامعة...

ادعوا لي يا أخوان علشان ربنا يسهلها معاي ومعاكم إن شاء الله...

المهم من القصة انه دائما هناك يوجد أمل ولكن عليك أن تشغل دماغك وتسعى هنا وهنا وتختار الاماكن المناسبة في الاوقات المناسبة...وربك كريم

كلامك صحيح وممتاز 100% يا python.

وانصحكم ايضا ان تبدع في المجال الذي تحبه. ولا تمشي مع اهواء الشركات وكل مرة تحضر وتختار مجال جديد حسب رغبة الشركات لأنك ستتعب وفي الاخير حتطلع من المولد بلا حمص...يعني مش حتكون عندك خبرة ممتازة في مجال معين ...ولكن اتبع رغبتك وستبدع في مجالك

وهذا ما اكتشفته في الاخير من تجربتي مع الشركات ولكني الحمدلله اقوم الان بالتحضير لشهادة OCA Devloper وقد اجتزت والحمدلله الاختبار الاول وباقي لي الاختبار الثاني كما انوي القيام بتحضير MCSE

0

شارك هذا الرد


رابط المشاركة
شارك الرد من خلال المواقع ادناه

ياسر

ربنا يكرمك كده و يوفقك فى الشغل

وانصحكم ايضا ان تبدع في المجال الذي تحبه. ولا تمشي مع اهواء الشركات وكل مرة تحضر وتختار مجال جديد حسب رغبة الشركات لأنك ستتعب وفي الاخير حتطلع من المولد بلا حمص...يعني مش حتكون عندك خبرة ممتازة في مجال معين ...ولكن اتبع رغبتك وستبدع في مجالك

اه و الله .. اللى يمشى ورا كلام الشركات مش هيتقدم خالص.

و ربنا يوفق الجميع

0

شارك هذا الرد


رابط المشاركة
شارك الرد من خلال المواقع ادناه

المشكله الان ان الشركات تريد الشخص عارف كل حاجه في الكمبيوتر :( يعني واحد بيعرف جرافيك برمجه صيانة وشبكات :wacko:

لا حولا ولا قوة الا بالله .... ايه اللي بيحصل ده :unsure: وانا بصراحه مش عارف اتخصص في اي حاجه مع اني ادرس في الكليه

نظم معلومات ادارية ....... مرة أحب البرمجه ومرة ادور ايه الشركات اللي بدور عليه :wacko: انا حتجنن ك

والله حرام ..............والسلام عليكم

0

شارك هذا الرد


رابط المشاركة
شارك الرد من خلال المواقع ادناه

السلام عليكم ورحمة الله وبركاته

بصوا ياجماعة انا تقريبا مريت بنفس الموقف الى انتم فيهو

الحمد لله انا دلوئتى شغال بس بمرتب عبيط بس اشتغلت من الاعلانات بتاعة النت والجرايد

نخلينا واقعيين شويةهل من المعقول حد يدفع فى إعلان 10000 و 50000 عشان عاوزين حضرتك تيجى تشتغل عندهم ايه الى يخليهم يكلفوا نفسهم كده عشان عاوزين رجاله بتوع شغل عاوز ناس كبيرة قبل ما تشتغل

اذاى

الثقة بالنفس وكمان فى نقطة مهمة جدا جدا جداااااااا

وهى اهم كورس فى حياتك وانت مش بتخدوى وثمنه لا يساوى شىء تقريبا من 50 إلى 300 جنيه حسب المكان

ايه هو الكورس ده

ده بيبقى كورس يشرحلك فيه

اذاى تعمل مقابلة شخصية

اذاى تكتب السى فى بتاعك

اذاى تخطط

اذاى تتكلم

اذاى تقدم للشغل

الكورس ده مهم مهم مهم جدااااااوتقريبا هو الى شغلنى الامر كله لله

وفى مراكز مشهورة جدا على سبيل المثال " زيدنى " والمقر بتاعه فى جامع رابعة العدوية

يعنى من الاخر ناخد الكورس ده وبعد كده انت بنفسك هتعرف هتعمل ايه

ليه نصيحة لكل شاب لسه بيدرسلو تقدر تشتغل فترة الدراسة تبقى انت كده ضربت عصفورين بحجر بجد ده هتحس بقيمتها بعدينبس الاهم إن الشغل ما يأثرش فى الدراسة طبعاااااااا

وربنا يوفأ الجميع

السلام عليكم ورحمة الله وبركاته

تم تعديل بواسطه HasanYousef
0

شارك هذا الرد


رابط المشاركة
شارك الرد من خلال المواقع ادناه

بسم الله الرحمن الرحيم

يا اخوانى اريد ان أقول كلمة صغيرة فى الشهادات المعتمدة :

اولا : هى غالية يعنى تحتاج ان تدفع فيها دم قلبك

ثانيا : ماذا ستضيف لنا الشهادة

ثالثا : لا بد من اجادة اللغة الانجيليزية يعنى كورسات اخرى و مصاريف اخرى لمن لا يجيدون الانجليزية و ما أكثرهم

رابعا : ما هى فرص العمل التى امامنا ( لان معظم الشركات تطلب امكانيات شبه خيالية للتوظيف و كأنهم سينافسون مايكروسوفت)

0

شارك هذا الرد


رابط المشاركة
شارك الرد من خلال المواقع ادناه
المشكله الان ان الشركات تريد الشخص عارف كل حاجه في الكمبيوتر sad.gif يعني واحد بيعرف جرافيك برمجه صيانة وشبكات

كبر دماغك سيبك منهم ... هتلائى أكيد شركة عايز واحد بس من دول مش نظام 5 فى 1

الحمد لله انا دلوئتى شغال بس بمرتب عبيط بس اشتغلت من الاعلانات بتاعة النت والجرايد

نخلينا واقعيين شويةهل من المعقول حد يدفع فى إعلان 10000 و 50000 عشان عاوزين حضرتك تيجى تشتغل عندهم ايه الى يخليهم يكلفوا نفسهم كده عشان عاوزين رجاله بتوع شغل عاوز ناس كبيرة قبل ما تشتغل

و الله يا باشا اللى بيدور اكيد يا بيدور فى النت يا اما فى الجرايد ...

و مافيش مشاكل من مرتب عبيط ..

و موضوع انهم عاوزين رجالة بتوع شغل ... التجربة خير بتنجان :rolleyes:

الثقة بالنفس وكمان فى نقطة مهمة جدا جدا جداااااااا

وهى اهم كورس فى حياتك وانت مش بتخدوى وثمنه لا يساوى شىء تقريبا من 50 إلى 300 جنيه حسب المكان

ايه هو الكورس ده

ده بيبقى كورس يشرحلك فيه

اذاى تعمل مقابلة شخصية

اذاى تكتب السى فى بتاعك

اذاى تخطط

اذاى تتكلم

اذاى تقدم للشغل

الكورس ده مهم مهم مهم جدااااااوتقريبا هو الى شغلنى الامر كله لله

على فكرة الكلام ده بئى كتير أوى

افتح اى موقع بتاع توظيف هتلائى فيه كل النصايح دى

و فى كورس برمجة كنت خدته كان فى يوم كامل بيتكلم فى النقطة دى

بسم الله الرحمن الرحيم

يا اخوانى اريد ان أقول كلمة صغيرة فى الشهادات المعتمدة :

اولا : هى غالية يعنى تحتاج ان تدفع فيها دم قلبك

ثانيا : ماذا ستضيف لنا الشهادة

ثالثا : لا بد من اجادة اللغة الانجيليزية يعنى كورسات اخرى و مصاريف اخرى لمن لا يجيدون الانجليزية و ما أكثرهم

رابعا : ما هى فرص العمل التى امامنا ( لان معظم الشركات تطلب امكانيات شبه خيالية للتوظيف و كأنهم سينافسون مايكروسوفت)

بص يا باشا

الشهادات نفسها مظلومة

لأن الكورس بتاع الشهادة فى علم جامد جداً

بس المشكلة مش فى الشهادة نفسها

و بعدين بخصوص الإنجلزى

ماينفعش تبئى فى مجال الكمبيوتر و البرمجة خصوصاً

و انت مش بتعرف انجليزى

ده يبئى عيب اوى

0

شارك هذا الرد


رابط المشاركة
شارك الرد من خلال المواقع ادناه

اشكرك على الدعاء اخي python

وربنا يوفق الجميع إن شاء الله

بص يا باشا

الشهادات نفسها مظلومة

لأن الكورس بتاع الشهادة فى علم جامد جداً

بس المشكلة مش فى الشهادة نفسها

كلام صحيح وفعلا الكورس بيحتوي على معلومات مفيدة ودقيقة وشاملة

والمشكلة في اللي بيأخذوا الشهادة لانهم بياخذوا الشهادة علشان مجرد الحصول عليها وليس لزيادة العلم والمعرفة

و بعدين بخصوص الإنجلزى

ماينفعش تبئى فى مجال الكمبيوتر و البرمجة خصوصاً

و انت مش بتعرف انجليزى

ده يبئى عيب اوى

اللغات البرمجية والاوامر كلها باللغة الانجليزية, وكونك مبرمج وما بتعرفش لغة انجليزية تبقى دي مشكلة كبيرة بالنسبة للمبرمج

يا شباب انا عندي لكم نصيحة وهي حاول دائما ان تور نفسك وتكسب خبرات ومعرفة اكثر واكثر ولا تتوقف وتقول خلاص يكفيني العلم والخبرة التي معي...

لأن العلم مثل البحر او المحيط ومهما تغرف منه ما يخلصش وبعدين في حديث للرسول عليه الصلاة والسلام يقول في ما معناه "من سلك طريقا للعلم سهل الله له به طريقا للجنه" وكله في ميزان حسناتك بس انت اخلص النية لوجه الله في هذا العلم

0

شارك هذا الرد


رابط المشاركة
شارك الرد من خلال المواقع ادناه

السلام عليكم ورحمة الله وبركاته

أشارك مع بعض الأخوة في آراءهم ، وأضم صوتي معمهم .....

حيث أني عملت في التصميم والتصوير الفوتغرافي والانتاج الفيديوي كثيرا ، حتى أبدعت في هندسة الصوتيات

ومجموعة من صوري الخاصة تم إنزالها في عدة مجلات (من غير علمي طبعا) وبعض أعمالي في مونتاج الفيديو عرض على ملأ من الناس وأمور كثيرة ، حتى رأيت بعدة أكثر من 4 سنين شباب يقولوا لي أنهم أتقنوا وأبدعوا في هذي المجالات كثيرا وأحبوها من تعرفهم عليّ ...

ولكن للبرمجة حلاوة تغني عنها كلها ....أحيانا أدور الكاميرا ،وأقول في نفسي على طول في غيرك لها...........هذا أولاً ، وثانيا:أنا بدرس علوم حاسب آخر سنة ، والحمد لله شغال بوظيفة (بعد ماطلعت روحي واشتغلت في أكثر من مكان)المهم

في ناس ما تقدّر عمل التقني وخاصة في مجال آي تي ، حتلاقي كثير ، والدنيا مليانه ، وعلى فكرة قبل الشغل اللي أنا فيه اشتغلت في شركة خدمات طبية وعندهم برنامج بالأوراكل وشبكة سلكية وموقع انترنت وسيرفر ومحطات عمل عدد 50 جهاز ، وشبكة انترنت أيزا سيرفر .....الخ

هذا كله مسؤول عنه واحد غلبان بيأخذ راتب طالب ثانوي (كلام الباشمهندس المدير) وبقول ماعندكش شهادات!!!علما بأني لي أكثر من عشر سنين وأنا مع العبيط اللي اسمه بي سي

المهم وريته الويل ، وعرف ايش معنى الخبرة........ حتى أنه صار يتصل عليّ وأخلص له شغل براني ........

وأكبر غلط عملته في حياتي هو أني استعجلت في الخبرة قبل الشهادة وهذا اعتراف مني ، لأني وقفت الدراسة شوية وقلت أكسب خبرة ، وهذا غلط ، لأني لما عملت في شركات استغلوني وقالوا (طالب ثانوي)ياعيني و3 سنين دراسة ومصاريف راحت فين !!

الشهادة مهمه ،وهي تاج على الراس ، وخاصة لما تشتغل وتدرس ولو براتب بسيط بداية ، لأنها تفرض على المدير احترامك ، وإن لم يكن مادياً فمعنويا..........ويبدأ المدير يفكر كيف يكسبك أكثر ..

وأتمنى أن لا تقعوا فيما وقعت فيه

وتحياتي للجميع

0

شارك هذا الرد


رابط المشاركة
شارك الرد من خلال المواقع ادناه

الكل يبحث عن وظيفة مبرمج و الكل يحمل مؤهل عادى فما رأيكم فى من يحمل مؤهل متوسط و يتمنى ان يعمل مبرمج و لا يملك تكلفة الحصول على الشهادات العالمية و لكنة يعلم نفسه بنفسة حبا فى ان يكون مبرمج حتى لو بدون اجر فقط يريد ان يعمل ما يحب .

0

شارك هذا الرد


رابط المشاركة
شارك الرد من خلال المواقع ادناه

السلام عليكم ورحمة الله وبركاته...

ازاي الشباب وكيف حالكم ..

انا اسف على الانقطاع..بس كنت مشغول جدا في الفترة السابقة لأني سافرت علشان اشوف الجامعة التي قابلت فيها وعندما وصلت انصدمت لأن عميد الكلية قال لي انهم الان مش بحاجة لمعيدين ولكن اذا احتاجوا بيتصلوا لي لأني افضل المرشحين..يصراحة الموضوع يقرح القلب لأنه ليش بيعملو مقابلات ويوعدوا الناس وهم مش محتاجين وبصراحة واجهت هذه المشكلة في اكثر من جامعة.

والمهم ربنا وفقني بشغل في مركز تدريب واشتغلت عندهم بالساعات وحأكمل الكورس بكرة إن شاء الله.

وحأبدأ دورة البحث عن عمل من جديد.مش مشكلة يا شباب الحياة هكذا دائما تحتاج الى بذل جهد وما فيش حاجة تجي بالسهل .لازم تتعب علشان تحصل على اي شيء.

واشتي انصحكم يا شباب ( انتبه ان تيأس. لأنك اذا يأست تكون قد تغلبت عليك الدنيا ولكن اجعل املك في الله كبير فقد الرزق العالم كله ,معقولة حيجي لعندك وما يرزقكش)

وفي حاجة كمان يا شباب لازم تتطور نفسك دائما واستغل اي وقت تحصله علشان تتعلم حاجات كثيرة في مجالك وتتخصص اكثر لأنه ممكن تجيلك فرص ولازم تكون انت مستعدج لكل الفرص اللي ممكن تحصلها, لأنه اذا ما طورتش نفسك بيفوتك قطار الحياة.

0

شارك هذا الرد


رابط المشاركة
شارك الرد من خلال المواقع ادناه

ربنا مع الجميع

دراسه وكورسات وبعد كده مفيش شغل

0

شارك هذا الرد


رابط المشاركة
شارك الرد من خلال المواقع ادناه

السلام عليكم أنا صارلي خمس سنوات خريجة وما شتغلت لظروف وألحين أريد أبحث عن وظيفة ومو عارفه من وين أطور نفسي ومن وين أبدأ

والله أحيانا أحس باليأس وأرجع أتعوذ من إبليس وأقول إن شاء الله راح تفرج أنا كتبت قبل كم يوم موضوع بس محد رد علي

الرجاء أرشدوني

0

شارك هذا الرد


رابط المشاركة
شارك الرد من خلال المواقع ادناه

السلام عليكم و رحمه الله وبركاته

ازيكم يا شباب اخباركم اه

انا لفت انبهى الموضوع ده و كان عندى شوية ملاحظات على بعد ردود الشباب

و بعديها هحكى طريق الوظيفة الى انا دلوئتى فيه اذاى و صلت للمكان ده بكرم من عند الله سبحانه و تعالى

اولا التوكل على الله فى كل شىء و حب اهلك ورضاهم عليك و دعاء اهلك الخالص من قلوبهم

و حب صحابك ليك بحسن صحبيتك ليهم هذه الاسباب هتكون مفتاح اى وظيفة

اول جزء فى موضوعى

بعد ردود الشباب كانت عدوانية على بعض الشركات "

دى برضه حاجة تانية من غباوة الشركات

هو ماله اللى هيشتغل ده درس ايه

المفروض ان صاحب الشركة ده فى يوم من الأيام كان فى الجامعة

و عارف إن الجامعة دى مجرد شكليات مش علم

بس هنقول ايه

غباوة

"

افتكر الموضوع مش مرتبط بالغباوة افتكر الى بعملوه ده الصح

اولا كل شىء من الرزق من عند الله

لما نتكلم بالغة الارقام انا شايف ان دخول عالم البرمجة مبئاش متوقف على وظيفية معينة انا شايف ناس من صيدلة و تجارة و صنايع و فنون جميلة و حاسبات و معلومات

ناخد مثل::

787927-461.jpg

ده شكل توضيحى لما تخصص صيدلة يغير مجاله بعدددددددددددددد 5 سنين بعد تجهيزه فكريا و معنويا عشان يشتغل فى مجال الطب

وفى الاخر يغير مجاله

امال المتخرج من حاسبات يعمل اه يشتغل مكانه

انا مفيش مشكلة من الاجتهاد الشخصى بس انتا فين من خمس سنين او اربع سنين كنت فين لما كان معاك الفرصة تغير طريقك

و جايين تحاسب الشركات

اولا التعليم فى مصر متلغبط شوية و فيه عدم تنظيم بس فى الاخر سهلللللللللللللللللللللللل مقارنة بالتعليم فى الخارج

و اخويا اكبر مثال تخصص مكانيكة بور فى الخارج بيتعب جدا و كل اسبوع اختبار و اعمال سنة و دراسة قوية جدا و متخصصة

بيتعببببببببب جدااااااااااااا لما شاف نتيجته ولاها ناجح

كان بيعيط و حاسس انه اتبهدل وتعب جدا و اجتهد كل شى ليه اسباب يا شباب

اجتهد و توكل على الله و ربنا هيكرمك

سؤء التوظيف فى البلد و توزيع الكوادر ده شىء مفروغ منه و ده موضوع تانى نتكلم عليه بعدين

بس الفكرة الاساسية ان المفرود كل واحد يكون مقتنع بمجاله المتخرج عليه و يطوره عشان ميئصرش على وظايف تانية و اى شئ تانى غير مجاله يخدو هواية

و طبعا ده مش مطلوب من فرد بس مطلوب من دولة برده

(و اهو الهنددددد اكبر مثال من دولة فقيرة لتغير كامل فى منهج التعليم و وضع اسس جديدة للدراسة انتا ممكن تدور فى google تشوف غيرو سياستهم اذاى او زور اى فرع مركز تدرس Aptech و هتلئيهم معلقين بكل فخر خطة تطويرهم كلها خطوة خطوة شوفو دلوئتى بائو اه من المصدرين الاوائل للبرامج )

الموضوع موضوع تغير شعب اكثر منه دولة , لما الموضوع يكون اسباب و وايمان كل شىء هيتغير للئحسن

بس انا هنا عشان اوضح مدام انتا عملت خير فى دنيتك و مع صحابك فى الجامعة (و بئكد على الجزء ده معاملة صحابك و و تعرفة الصحبة الطيبة و مرور فترة الجامعة متحليا بـ ايمان ) و توكلت على الله و اخترت الصحبة الحسنة ربنا هيكرم

و دى حكيتى

انا فى الجامعة نزلت سنة 3 و دى لظروف خاصة و صعبة عليا و كان معايا 3 مواد

حمايه البيانات و مالتى ميديا دى اكتر مواد افتكرها جدا من السنه دى

و اتعرفت على مجموعة شباب (من الدفعة الجديدة) و اقبلونى بينهم لحسن اخلاقى

المهم جاء يوم امتحاناتنا و كونت الحمد لله اكبر عون ليهم لفهم المدتين و كانو بيخدو فى مركز

و رجعه منه نص نص و مشروح ليهم غلط و فى منهم الى معندهومش اى فكرة على المادة

و فى ليلة الامتحان الحمد لله عملتلهم غسيل مخ و فهمتهم اصول المادة و بائو ذى الاساتذة احسن من المعيد نفسو

و اعدنا نخلق اسلوب جديد للتشفير ههههههه

مرت سنه ثلاثة و دخلنا فى رابعة و اعدنا فى شقة واحد صاحبنا فادية اعدين للمزكرة بس

منهم مان كان عايز يفسدنى ببعض المواقف بس الحمد لله منهم من كان بيقف معايا و يردهم عن ذلك (وده من فضل دعاء امى و ابى و ثبات ايمانى و فضل الله عليه)

بعد التخرج و دخلت مجال اعمال العلاقات العامة مثل المندوبين و ده كان قبل دخولى الجيش عشان مفيش شركة تئبلنى بسبب الجيش

خدت تئجيل و بعديها واحد صحبى من المجموعة الجامعية الى فاتت اخترنى طلب منى التدريس فى معهد بيدى شهادة فوق المتوسط بـ 300 جنية يومين فى الاسبوع

من 9 : 5 و بادرس 3 مواد

وقلت الحمد لله و بعديها بكام شهر اتكلم مع صاحب الشركة الى شغال فيها و طلب منه انى اجى اشتغل اعدت فترة و الحمد لله قبلنى

و بدئت اتعلم كل يوم جديد من طلبات السوق و كنت بئبد 300 جنيه

يبئا مجموع الاتنين 600 جنيه فى الشهر و الحمد لله شكرت ربنا على الخطوة دى

و بعد فتره صاحبى ترك الشركة و اصبحت مكانه طبعا هو ماشاء الله خبرة تفوق عنى بسنين فى مجال البرمجة

المهم ئبدى بئا 450 جنيه

اعدت فى الاتنين سنةونصف و بعديها ربنا اكرمنى رحت مكان تانى من ترشيح نفس الصاحب و كان مشروعاتى و خبرتى الى خدتها فى الفترة ده

رشحتنى للمكان الجديد

معلش طولت عليكم بس حبيت اوضح للناس الجديدة ان الطريق محتاج شوية خبرة

متئليش ان واحد درس و قراء كتب اذاى يسوق عربية و اول ما يسوق عربية حقيقية يبئا 100% 100%

لازم شوية خبره استحمل شوية و ربنا هيكرمك

نصيحة ادم الCV فى اكتر من مكان و جدد مكان شغلك بعد ما تستفاد منه و طبعا تفيد الموسسة عمتا هى مصلحة متبادلة فمتزعلش لو سبتها ( طبعا انا افتكر صاحب الشركة و هفتكرو طول عمرى و هدعيله على الفرصة الى ادهالى و مسعدته ليا الراجل ده مش هيتعود خالص و اتمنا لو ربنا اكرمنى اشتغل معاه من غير فلوس )

السلام احلى ختام

السلام عليكم و رحمه الله وبركاته

تم تعديل بواسطه GameOver
0

شارك هذا الرد


رابط المشاركة
شارك الرد من خلال المواقع ادناه

يمعودين سويتوا الدنيا ظلمه

توكلوا على الله و الله ارحم الراحمين

و الله اشوف اذا و احد حصل أو يكدر يقدم على اي شهاده او اي مجال يتعلم لا يقصر ترى النوم ميفيد

أدخل دورات و احصل على شهادات

اقلها تستفاد اذا يوم من هاي الدنيا حصلت على شغل

تكدر تنافس تكدر تناقش ...........

بس اذا انت نايم ؟؟؟ شنو راح تسوي؟

ختاما

توكل على الله و لا ضيع يوم من حياتك بدون تعليم

و الله الموفق

0

شارك هذا الرد


رابط المشاركة
شارك الرد من خلال المواقع ادناه

الشركات بتكون دايماً عاوزة موظف واحد فقط لان اصحابها الصتعوها هم نفسهم مبرمجين وما عاوزين حد خبرته محدودة يخسرهم فلوس

0

شارك هذا الرد


رابط المشاركة
شارك الرد من خلال المواقع ادناه

حسب ظروفك ,,, لكن دائما أي أضافة في معلوماتك ترفعك بالتأكيد و لو لم يكن تأثيرها مباشر لكن هي خطوة صحيحة و التغيير قريب و يميزك عن غيرك

0

شارك هذا الرد


رابط المشاركة
شارك الرد من خلال المواقع ادناه

من فضلك سجل دخول لتتمكن من التعليق

ستتمكن من اضافه تعليقات بعد التسجيل



سجل دخولك الان

  • يستعرض القسم حالياً   0 members

    لا يوجد أعضاء مسجلين يشاهدون هذه الصفحة .