• 0
MySQL

ubuntu linux نظرة عن قرب أكثر

سؤال

السلام عليكم ورحمة الله وبركاته

كيفكم إخوانى عساكم تكونوا بخير إن شاء الله ومع اول موضوع ليا فى المنتدى وربنا يجازى القائمين عليه كل خير حبيت اضيف افادة بسيطة عن النسخة المتميزة ubuntu وأرجو من الله ان تفيدكم ولو بشىء بسيط والموضوع انا ناقله من منتديات securitygurus.net ومنتديات arabnix.net وانا شرعت فى الكتابة بهذا الموضوع هناك حتى ﻻ يظن احد انى اخذت جهد احد بدون علمه وﻻ حتى ذكر اسمه وكل ما أطلبه منكم دعوة بظاهر الغيب ﻻ اكثر وحقوق النقل خاصة بكل مسلم يحق له التعديل على الموضوع بما يراه مناسبا مع الحفاظ على ذكر المصدر الأساسى وهو المنتدى

بسم الله نبدأ

وإن شاء الله نبدأ من عنوان الموضوع ubuntu linux نظرة عن قرب أكثر يمكن كتير مننا سمع عن النظام ده او يمكن لسه ماسمعش عنه ..ولكن لو هانتكلم باﻻحصائيات فهو لحد دلوقتى فعلا متربع عرش نسخ اللينكس من حيث اﻻستخدام ..ويمكن ناس تندهش من المقولة دى لعدة أسباب نذكر منها على سبيل المثال ﻻ للحصر :

1- وجود أكثر من نظام لينكس آخر مثل Fedora وSuSe وال debian وغيرها من نسخ اللينكس المعروفة

2- الدعم الفنى بقدر المستطاع لنسخ اللينكس الموجودة ساعد على وجود شعبية كبيرة لها

3-كثرة شيوع المقاﻻت المكتوبة والكتب الالكترونية لهذه النسخ أكيد عامل مهم

يمكن دول أكثر 3 أسباب أنا استنتجتهم من خلال معرفتى باللينكس وبما إنى مستخدم لينكس جديد زى ما تقولوا كده ده اللى قدرت أوصله المرحلة دى ....

أما موضوعنا الأساسى عن ال ubuntu اللى فعلا جعل النسخة دى تتربع على عرش قمة المستخدمين على الأقل الفترة دى عدة أسباب منها الآتى:

1- وجود النظام فى اسطوانة واحدة فقط جعلت من السهولة الحصول على نظام قوى فعلا يضاهى النسخ الموجودة الأخرى خصوصا إن النسخة دى مبنية على نظام debian

2- وجود قدر كافى من البرامج المساعدة اللتى تتيح للمستخدم السهولة فى تثبيت التطبيقات الازمة

3- الدعم الفنى الرهيب بشتى الطرق ودى أكتر حاجة حابب أتكلم عليها فعلا بغض النظر عن وجود المواقع والتوتريال الخاصة بكل توزيعة ولكن على قدر علمى

لحد دلوقتىاﻻختلاف يكمن فى هذا السيرفر irc.freenode.net بجد وعن تجربة من أروع ما شفت linux live help بجد وفى الحال مش تبعت رد وتستنى لغاية ماحد يرد عليك ﻻ فى قناة مخصوص فى السيرفر اسمها #ubuntu خاصة فقط بالأسئلة لكل توزيعة من توزيعات ال ubuntu وعاملين لكل توزيعة قناة لوحدها

مثلا التوزيعة اللى هتناول شرح ليها إن شاء الله فى موضوعنا ده اسمها ubuntu Dapper drake ليها قناة خاصة بيها اسمها هناك ubuntu+1 وهكذا السيرفر من الدرجة الأولى تعليمى بشكل مبهر والحق يقال فعلا اللى يفرق الناس الأجانب عننا النقطة دى الدعم الحقيقى والمساعدة الحقيقة أنا هناك تقريبا كنت ممكن أسئل أسئلة يمكن أى طفل ممكن يعرفها تلاقى 1 و2 و3 و4 لو طلبت أكتر من كده بردود ده غير الميزة الأساسية إنك بتلاقى حل مشكلتك فى نفس الوقت

وده بقى فعلا نقدر نسميه Real Linux Live Help

عموما مش هاستطرد فى مميزات النسخة كتير التجربة ساعات هيا اللى بتخلى الشخص يحكم على أى شىء وده اللى أنا عاوزه منكم إن شاء الله تجربوا التوزيعة دى للأسباب اللى ذكرناها فوق اسطوانة واحدة , دعم 24 ساعة على السيرفر غير إن فى النسخة دى بالذات فيها خاصية قريبة الشبه بالويندوز.

وانا بكلم مستخدمى ويندوز اللى متطلع إنه يتعرف على نظام جديد بس بتغييرات تناسبه المهم الخاصية دى اسمها Add/Remove Programs أكيد طبعا مستخدمى ويندوز على دراية بالخاصية دى تتقدر تتحكم فى حذف وتسطيب ملفات من خلالها وده فعلا الموجود

والميزة كمان فيها إنه لو عندك اتصال انترنت التوزيعة بتعمل على طول تحديثات كل فترة للبرامج اللى انت محتاجها من أول برامج الشات لغااااااية برامج الصوت والفيديو والتصفح ألخ ألخ برامج بجد كتييير خالص وأنا بدور فيها لقيت برنامج مش متخيل إنه ممكن يكون ضمن النسخة برامج حل معادﻻت هندسية وتفاضل ورسم دوال هندسية وحاجات كتير المهم مش هاطول عليكم فى المشاركة دى أنا حبيت بس أعمل مقدمة كويسة عن الubuntu

ان شاء الله نكمل المشاركة القادمة ونبحر أكثر مع النظام

السلام عليكم ورحمة الله وبركاته

0

شارك هذا الرد


رابط المشاركة
شارك الرد من خلال المواقع ادناه

28 إجابة على هذا السؤال .

  • 0

السلام عليكم ورحمة الله وبركاته

عدنا وان شاء الله نكمل رحلة الubuntu وانا قصدت انى اجزأ الموضوع على اكثر من مشاركة حتى يتسنى للقارىء اليسر فى تحصيل اكبر قدر من الموضوع بفضل الله

بسم الله نبدأ الموضوع

اول حاجة بتكون معانا ان شاء الله واكيد هي رابط التوزيعة للتحميل والكثير منا يعلمه ولكن أضعه مرة اخرى حتى يسهل على القارىء الحصول على النسخة بيسر

روابط جميع النسخ لكل الأجهزة باختلاف المعالجات

طبعا المعظم يعمل بمعالج intel فنختار نوع التوزيعة ubuntu-alternate-i386.iso

ونبدأ بقى بمراحل شرح التسطيب إن شاء الله

أول حاجة طبيعى بعد ما ننزل النسخة زى ما قلنا هيا cd واحدة بس تعملها burn بأى برنامج نسخ سواء كان nero او غيره وبعد كده تظبط اعدادات الbios الخاصة بجهازك وتخلى البوت من cd Rom بعد كده تدخل الاسطوانة فى ال drive وتبدأ الإسطوانة فى الإقلاع وأول صورة معانا توضح الشاشة الافتتاحية للCd

19vj.png

وهنختار منها إن شاء الله install in oem mode لأنه ده اللى هايخلينا ندخل على الواجهة الرسومية اللى بيعتمدها الubuntu وهيا ال Gnome

بعد كده الخطوة الثانية تشوفوا معانا فى الصور نختار اللغة اللى هاتكون الأساسية لمرحلة تنصيب النسخة وشىء أساسى هاتكون الإنجليزية شوفوا فى الصورة

25ts.png

طبعا مفتاح Enter معاك مع كل مرحلة انتقالية بعد كده تختار الدولة اللى انت فيها وزى ما انتم شايفين فى الصورة أنا اخترت other

33un1.png

بعد كده ننزل بالسهم لتحت لحد منلاقى أفريقيا وبعد كده أنا اخترت مصر أى واحد بقى فى مكان تانى يختار البلد اللى هو ساكن فيها

47jo.png

بعد كده نختار اعدادات الكيببورد واللى هاتكون مؤقتا الamerican English لحد ما ندخل على الواجهة الرسومية ونبقى ندعم العربية بالنسبة للكيبورد شوفوا فى الصورة ونضغط enter برده

56ob1.png

وبعد كده هاتبدأ اعدادات الشبكة تظهر لينا وهايظهر الhostname تحطه بقى وبعد كده المفروض هايظهر ليك شاشة تحط فيها الIp بتاعك وال gateway وال dns الخاص بيك هيا ماظهرتش عندى لأنه طبيعى أنا زبطهم على النسخة بس إنتم إن شاء الله تاخدوا بالكم منها ياعنى

67te.png

بعد ما تخلص اعدادات الشبكة الخاصة بيك سواء كنت Adsl أو Dsl هاتظهر أهم مرحلة هنا ودى اللى كنت عاوز أشرحها علشان ممكن ناس كتير تتلخبط فيها الصور اللى انتم شايفينها دى متاخدة من برنامج Vmware Workstation والمرحلة دى لما هاتظهر عندك هايكون اسمها مختلف عن اللى فى الصورة شوية لأنه أنا أصلا من البداية اخترت البارتيشن اللى النسخة الوهمية هاتكون فيه ولذلك خيار بتاع manually edit partition table هايكون عندى disabled لأنه أصلا موجود

79aj.png

أما المرحلة دى عندكم هايكون اسمها resizing أو بمعنى اعادة تهيئة المساحة للبارتشين اللى النسخة هاتنزل عليه لأنك ممكن تعمل الموضوع اما manually او تسيب النسخة تعمله automatic وفى كلتا الحالتين لازم تعمل resize للبارتيشن ياعنى

نوضح أكتر أنت مثلا عندك c , d ,e وعاوز مثلا تنزل الubuntu على d لما هاتوصل للمرحلة دى الubuntu هايشوف أول بارتشين فاضى ويقولك أعمل resize هنا وبفرض جدل إنه البارتشين الفاضى ده هو ال c وانت عاوز تنزل النسخة على الd هاتقوم تعمل ايه

تختار manually edit partition table وبعد كده البارتشنات بتاعتك هاتظر كلها قدامك كل اللى عليك تعمل resize للd ياعنى لو كانت مساحته مثلا 10 جيجا اعمل 7 للubuntu وهايفضل عندك 3 فاضيين اعملهم اى حاجة fat32 او ext3 حسب ماتحب أو حبيت تضمهم لأى بارتشين تانى اوك المهم تعمل resize للبارتشين المطلوب وبعد ماتخلص هاتعمل finish للحاجات اللى انت خلصتها وبعد كده هاتظهر رسالة يأكد عليك فيها إنك خلصت resize تضغط yes وهايبدأ يعمل format للبارتشن اللى هاتنزل عليه النسخة بامتداد Ext3 وجزء آخر بامتداد Swap زى ما هاتشوفوا فى الصورة أهو

86gq.png

طبعا انتم ممكن تلاحظم اختلافات بسيطة بين الصور واللى هايحصل عندك نظرا لأنه انا شغال من على برنامج Vmware workstation فا متقلقوش كل حاجة إن شاء الله هاتبقى تمام

الحين بعد ما سوينا كل شىء أصبح الubuntu جاهز لإنشاء البارتشن الخاص به حتى يقوم بتنصيب ملفات النظام الأساسية كما فى الصورة

94vf.png

الصورة دى هاتحط الباس ورد بتاعت الروت الخاصة بك واوعى تنساها

116gt.png

وهنا تأكد الباسورد مرة اخرى

104na.png

شوف فى الصورة والنظام بيبدأ ينزل ملفاته الأساسي

126sm.png

وهنا بيبدأ ينزل الsoftware الخاص بالنظام

137xe.png

بعد ما الsoftware يخلص بكده انت خلصت تنصيب النظام بنجاه وتشوفوا فى الصورة تضغط enter فقط لعمل restart للجهاز والدخل فى عالم الubuntu

149kn.png

151ph.png

وأخيرا بينهى الاعدادات الخاصة بالمستخدم وبيستعد لبدء التشغيل

بكده يبقى احنا عدينا أول المراحل الصعبة والمهمة فى النظام وإن شاء الله بكمل رحلة البحث والاستكشاف مع الubuntu وزى ماقلت ليكم أنا لسه بتعلم معاكم واللى عنده سؤال أين كان لو بعرف اجابته إن شاء الله برد عليه ولو مش بعرف بدور على الاجابة أو أى حد من إخوانا يجاوب لأنه الهدف إنه كل الناس تستفيد مش أكتر

وإن شاء الله بنكمل الرحلة فى المشاركة القادمة انتظرونا :)

وعذرا على تقسيم المشاركات لأنه فى عدد محدد للصور بالمشاركة الواحدة

السلام عليكم ورحمة الله وبركاته

0

شارك هذا الرد


رابط المشاركة
شارك الرد من خلال المواقع ادناه
  • 0

اهلا بك msql

وجزاك الله خيرا على نقل الموضوع

0

شارك هذا الرد


رابط المشاركة
شارك الرد من خلال المواقع ادناه
  • 0

السلام عليكم ورحمة الله وبركاته

بنكمل ان شاء الله الموضوع باستفاضة اكثر

بسم الله نبدأ

بعد ما وقفنا المرة اللى فاتت عند مرحلة التسطيب وخلصنا الحمد لله دلوقتى احنا جاهزين للدخول للنظام والابحار فيه

ملحوظة : يمكن ماحدش سأل هو أزاى مادنيش خيار إنه أكتب اسم المستخدم ؟ واكتفى بكتابة الباسورد ؟

الرد على السؤال لو لاحظتم معايا فى الصور إنه كتب فى الصورة الأخيرة العبارة دى

You will be able to log the system as "oem " user with the password u selected ealier

ياعنى معنى كده إنه أعطاك اسم مستخدم افتراضى اللى هو Oem تقدر تدخل بيه بالباس وورد الى انت حطتها قبل كده المهم نيجى بقى لأول صورة مع بدء الاقلاع وبتمكنك من الاختيار مابين أكتر من نسخة ده لو فيه أصلا أما لو الubuntu متسطب لوحده هتختار الkernel فقط شوفوا بالصورة

1w8bz.jpg

بعد كده تبدأ الKernel فى العمل كما فى الصور

2w3oj.jpg

بعد كده هايبدأ النظام فى تحميل الملفات الأساسية كما فى الصور

3w3sc.jpg

دلوقتى خلاص باقى خطوتين والنظام يبدأ هنا تدخل اسم المتسخدم اللى قلنا عليه oem

4w5nj.jpg

وهنا تدخل باسورد الروت بتاعتك

5w3bg.jpg

هنايبدأ النظام بالدخول إلى الواجهة الرسومية

7w0ld.jpg

المرحلة دى بقى إن شاء الله هنحاول ننجز فيها جزء كبير من الشرح علشان اللى يحب يستخدم النسخة من بكرة يبقى كل حاجة تحت ايديه

نيجى لحاجة مهمة إنه فى الubuntu حصلت حاجة ممكن البعض يندهش ليها وخصوصا الناس اللى تعرف لينكس من فترة والتعامل بتاعها يومى وهيا خاصية الروت من خلال ال

Graphical user interface لأنه الخاصية دى جت مع الubuntu واتلغت لعدة أسباب إن شاء الله بذكرها ويمكن ناس من مستخدمى لينكس تحس إنه عيب وناس تانية تحس إنه ميزة لانه بكده هايوفر أمان أكتر على النسخة من الناحية الرسومية وكده مفيش حد يقدر يلعب فى التوزيعة ونقلل مخاطر الأخطاء وأنا عن نفسى مع الفريق ده لأنه بكده هايديك انطباع فعلا إنك عاوز تعمل كل حاجة بسطر الأوامر مش بس تكتفى إنك تظبط كل حاجة بسهولة وهنا بقى تكمن متعة لينكس فى سطر الأوامر عموما أنا هاذكر الأسباب اللى دفعتهم لالغاء الروت فى التوزيعة

The benefits of leaving root disabled by default include the following

The installer has to ask fewer questions

Users don't have to remember an extra password, which they are likely to forget

It avoids the "I can do anything" interactive login by default -you will be prompted for a password before major changes can happen, which should make you think about the consequences of what you are doing

Sudo adds a log entry of the command(s) run (In /var/log/auth.log). If you mess up, you can always go back and see what commands were run. It is also nice for

auditing

Every cracker trying to brute-force their way into your box will know it has an account named root and will try that first. What they don't know is what the usernames of your other users are

Allows easy transfer for admin rights, in a short term or long term period, by adding and removing users from groups, while not compromising the root account

sudo can be setup with a much more fine-grained security policy

أنا حبيت أنقلهم ومترجمش حاجة منهم علشان المعنى المطلوب يوصل للناس لأنه ساعات الترجمة مش بتوصل الحاجة المطلوبة

دى كانت الأسباب اللى جعلت حساب الروت فى الubuntu يكون مقفول فى الواجهة الرسومية اللى بيعتمدها ubuntu وهيا Gnome خصوصا مع النسخة اللى هنتعامل معاها وهيا Dapper drake ويمكن تكون النقطة ميزة او عيب بالنسبة لأشخاص وأشخاص بمعنى إنه ممكن ناس اللى هما شغلهم الشاغل سطر الأوامر فقط يرحبوا بالنقطة دى خصوصا إنهم مش هايحتاجوا الواجهة الرسومية فى حاجة.

وعلى النقيض ناس ممكن تعتبرها عيب لأنه خاصية الروت ممكن تسهل للناس المبتدئة التعامل مع كل حاجة بدون قيود بس أكيد ده ليه عيوب أكتر إنه على الأقل مش مضمون ايه اللى ممكن يحصل من المستخدم الجديد لو دخل روت على GuI .

عموما أنا من الفريق اللى بيرجح إنه الروت فى الGUI مالوش لزوم خاصة إنه اتقان سطر الأوامر هو المتعة الحقيقية فى اللينكس وده المطلوب فى المراحل المتقدمة من التعامل مع اللينكس إنه الواحد يفكر يعمل كل حاجة بايديه أى مشكلة ساعتها هاتبقى ولا ليها قيمة فى ظل الCommand Line

عموما أين كانت هذه الخاصية ميزة او عيب مش هاتفرق كتير معانا إن شاء الله لأنه الubuntu مع الأداة Sudo كل شىء أبيض ونقى وزى الفل إن شاء الله.

نيجى بقى للموضوع اللى احنا عمالين نلف وندوز حوليه وهو استخدام الubuntu نفسه من الواجهة الرسومية ثم بعد ذلك من خلال سطر الاوامر وأنا إن شاء الله هاحدد نقط معينة نمشى عليها فى الشرح علشان كل حاجة تبقى مرتبة وسلهة فى التعامل

نيجى بقى للخطوات :

1- دعم اللغة العربية اللى ومازال بعبع كل مستخدم جديد للينكس دايما مرارا وتكرارا الناس تتكلم عن العربى ومش عارفه تضيف خطوط ازاى والكلام ده مع ubuntu كل اللى هايصحل كليك يمين وتعمل فولدر جديد باسم .fonts وحط الfonts اللى انت عاوزها واحفظ التغييرات كل ده فى الفولدر الخاص بالمستخدم مشكلة العربى اتحلت ! عاوزين أسهل من كده وطبعا دى هناقشها واحدة واحدة بس حبيت اوضحها فى البداية وطبعا الدعم من الناحيتين القراءة بمعنى قراءة أى ملف مكتوب بالعربى وكتابة أى ملف باللغة العربية

2- تسطيب البرامج ودى ليها فى الUbuntu ثلاثة طرق اتنين منهم إن شاء الله هانستخدم فيها الواجهة الرسومية الطريقة الأولى عن طريق Synaptic Package Manager والطريقة التانية عن طريق الخاصية المشتركة مابين بهتان وألوان ( بهتان هو الويندوز وألوان أكيد هو اللينكس وينفع يكون عنوان برسيل الجديد ) والخاصية ذى ما انا ذكرتها Add/remove application كل اللى هاتعمله فيها مجرد شوية علامات صح مش اكتر قصاد البرنامج اللى انت محتاجه أما الطريقة التالتة أكيد هيا عن طريق سطر الأوامر وذى منا ذكرت وهافضل أقول المتعة فى كده تحس فعلا انك بتعمل حاجة مش ويا سلام لو بتعمل compiling لسورس كود ولا حاجة وتبقى كملت فعلا

3- تالت حاجة هنشوف بعض البرامج الأساسية وطريقة تسطيبها وازاى نعمل search على برنامج معين وكده , وهيكون فى حاجة زيادة هنشوف ازاى نسطب LAMP Package

LAMP Stands for Linux ,Apache , MySQL , PHP

آخر حاجة كنا وقفنا معاها كانت صورة الولوج الى النظام وكان المفروض نكون على الDeskTop وإن شاء الله اللى هانشوفها دلوقتى الdesktop الخاصة بيا

desk7dh.jpg

طبعا عربية وهم ( يفط واحد من الزحمة ويسألنى نوع العربية دى ايه أجاوبك أنا العربية دى نوعها mazda kabura concept model ) يالا مش حارمكم من حاجة عربيات ولينكس وكله هيصة

ده كانت اول صورة معانا بالنسبة للdesktop نيجى بقى زى ما اتفقنا هانمشى تبع الخطوات وأول مشكلة ممكن تقابل مستخدم اللينكس زى ما قلنا اللغة العربية هنا فى الubuntu الموضوع بيسط جدا كل اللى هايحصل مجرد ثوانى مش اكتر شوفوا معايا فى الصور

18no1.jpg

بعد كده هنكون دخلنا على home folder ونعمل الآتى فيه شوفوا كده

25yf.jpg

شوفوا فى الصورة بقى هانعمل ايه بالظبط

45mp1.jpg

أما فى الصورة دى علمنا الفولدر وكل اللى ناقص بس نعمل نسخ من الخطوط اللى احنا عاوزين نضيفها ونحطها فى الفولدر ده

56fs.jpg

دلوقتى بقى هنجيب الخطوط اللى عاوزين نضيفها وأنا اخترت كام خط كده منهم ال tahoma وال simplified arabic ونزلتهم عندى على الDesktop الخاصة ببرنامج vmware workstation اللى بيعمل أنظمة تخيلية وهايبقى برده لينا واقفة معاه إن شاء الله بس مع إنى مش برجح حد يستخدمه إلا إذا كان هايشرح من عليه مش اكتر أما استخدام عادى فاااااالالالالالالالالا أبدا وبتاتا بيخلى الجهاز تقيل بطريقة غبية

المهم دلوقتى هانعمل copy من الخطوط ونحطها فى الفولدر اللى كنا عمناه باسم .fonts

شوفوا الصورة

67zw.jpg

دلوقتى علشان نعرف الفرق مابين الخطوط اللى هتنضاف ولما نضفها ايه هايكون الفرق شوفوا الصورتين دول معايا

79sh.jpg

الصورة التانية بقى بعد ما نضيف الخطوط

81oo.jpg

طبعا إحنا كل اللى عملناه ده كان تظبيط بس بالنسبة للملفات و الصفحات المكتوبة بالعربى علشان نقرأها كويس

وقبل ما ننتقل لنقطة دعم الكتابة باللغة العربية كان ممكن نعمل الحوار ده من خلال الشل والأوامر ونشوف هانعمله ازاى

طبعا علشان نفتح الشل نعمل كده الأول نروح على كلمة Accessories وبعدين نختار منها كلمة Terminal شوفوا الصورة

106ez.png

وشوفوا معايا فى الصورة هنعمل ايه وانا كاتب تعليق عليها

99xb.jpg

بكده يبقى دعم اللغة العربية كقراءة اتظبط ودى كانت طريقة من الطرق لدعم قراءة العربى من خلال الواجهة الرسومية المرة الجاية هنشوف طريقة تانية ولكن من خلال الشل وأوامره أنا حبيت أذكر الطريقة دى علشان نمشى خطوة خطوة من سهل إلى أصعب وكده .

وبرده هانشوف فى المشاركة القادمة دعم كتابة العربى فى التوزيعة ازاى ونظبط الconfiguration الخاصة بالكيبورد وطريقة التبديل مابين العربى والإنجليزى

ومعلش أنا ماشى بالراحة وواحدة واحدة مع الناس علشان نوصل للى احنا عاوزينه إن شاء الله .

السلام عليكم ورحمة الله وبركاته

0

شارك هذا الرد


رابط المشاركة
شارك الرد من خلال المواقع ادناه
  • 0

موضوع جميل جدا

ياريت تحميل الصور الى سيرفر المنتدى لكي لا نفقدها بالمستقبل

0

شارك هذا الرد


رابط المشاركة
شارك الرد من خلال المواقع ادناه
  • 0

السلام عليكم ورحمة الله وبركاته

جزاك الله كل خير اخوى بشير وcoldzero وياريت الطلب يتلبى لانه انا مش ضامن الموقع اللى انا رافع عليه الصور بعد فترة بيكون عامل ازاى

وإن شاء الله بكمل الموضوع فى المشاركات الجاية

السلام عليكم ورحمة الله وبركاته

0

شارك هذا الرد


رابط المشاركة
شارك الرد من خلال المواقع ادناه
  • 0

السلام عليكم ورحمة الله وبركاته

هلا إخوانى كيفكم إن شاء الله تكونوا بخير ...

رجعنا تانى بقى علشان نكمل حوار دعم قراءة اللغة العربية والمرة اللى فاتت شفنا ازاى ممكن نعمل الحكاية دى بطريقتين مختلفتين الأولى كانت عن طريق الواجهة الرسومية والطريقة التانية كانت عن طريق الشل وأوامره وشفنا كام أمر كده ووظيفتهم بسرعة

فى المشاركة دى إن شاء الله هنكمل الطرق بواسطة الشل وأوامره وتعالوا نستعرض طريقة جديدة لدعم القراءة بواسطة الشل

أول حاجة طبعا عرفنا ازاى نفتح الشل من قائمة Accessories وبعد كده نختار من القائمةTerminal ونبدأ فى كتابة الأوامر دى

شوفوا الصورة معايا

114te.jpg

دلوقتى بعد ماشفتوا فى الصورة كل حاجة دلوقتى تمام وضفنا الخطوط للنظام كله اللى احنا عاوزينها دلوقتى فى حاجة علشان النظام يتعرف على الخطوط الجديدة لازم نربطهم بالخطوط الرئيسية للنظام واللى هاتكون فى المسار ده

cd /usr/share/fonts/truetype

بعد مانروح للمسار ده نكتب الأمر ده كد

sudo nano -w fonts.cache-1

برده علشان الناس متسرحش منى وتعرف احنا بنعمل ايه احنا ذى ما قلنا فوق هنروح للمسار ده /usr/share/fonts/truetype وبعد كده نكتب الأمر ده ورا الكلام ده على طول sudo nano -w fonts.cache-1 علشان نبدأ نضيف المجلد myfonts اللى فيه الخطوط بتاعتنا مع خطوط النظام

طيب ايه وظيفة الأمر sudo nano -w fonts.cache-1 ؟

أولا قلنا انه sudo دى اداة ادارة النظام اللى بتتحكم فى اعطاء السماحيات للمستخدم انه يعدل فى ملفات النظام اللى المستخدم العادى مالوش الحق إنه يعدل إلا باستخدام sudo والباسورد بتاعت الروت

طيب nano ده بقى محرر نصوص هو اللى من خلاله هاتقدر تعدل فى الملف اللى انت عاوزه ممكن نشبه كده بالnotepad فى الويندوز يعدل فى أى ملف من ملفات النظام وكده

اما الخاصية -w دى خاصة بالمحرر nano علشان تقدر تفتح الملف المطلوب

أما fonts.cache-1 ده الملف اللى بيربط الخطوط اللى انت هاتضيفها لخطوط النظام الرئيسية علشان النظام يقدر يتعرف على الخطوط اللى انت هتضيفها

طيب بعد ما احنا كتبنا الكلام ده شوفوا معايا ايه المفروض يطلع ليك فى الterminal

127ub.jpg

دلوقتى هنضيف السطر اللى قلنا عليه وهايبقى بالشكل ده

134in.png

كده تقريبا احنا عملنا أهم الطرق فى دعم اللغة العربية كقراءة دلوقتى هنشوف بالنسبة للكتابة ايه المطلوب

دلوقتى هنروح على System >administration> language support

وبعد ما نضغط على language support هاتظهر لينا الصورة دى كل اللى علينا بس نعلم علامة صح قصاد arabic وبعد كده نعمل apply وبعد كده oK

وبعد كده هايبدأ النظام فى تنزيل الpackage الخاصة باللغة العربية زى مانتم شايفين فى الصورة التالية :

152yc.png

وبعد ما يخلص تنزيل على طول هايبدأ فى تسطيب الpackage اللى نزلت زى الصورة دى

162mx.png

وفى النهاية كده هايقولك إنه كل حاجة اتعملها update

170dg.png

ودلوقتى اللغة العربية بقت بالنسبة للكتابة تمام لكن اللى ناقص دلوقتى نزبط اعدادات لوحة المفاتيح علشان نقدر نكتب عربى

أول حاجة نعملها علشان الموضوع ده نروح علىSystem >preferences >keyboard

هتظهر لينا الصورة دى كده ونمشى خطوة خطوة زى ما فى الصورة

181rw.png

بعد ما ضغطنا على كلمة Add هايظهر لينا الآتى شوفوا الصور

1190ni.png

بعد ما عملنا الكلام ده كله العربى على طول هايظهر شوفوا الصور

208xj.png

دلوقتى مثلا عاوزين نبدل العربى والانجليزى بالنسبة للكتابة شوفوا معايا فى الصورة هنعمل اي

215of.png

0

شارك هذا الرد


رابط المشاركة
شارك الرد من خلال المواقع ادناه
  • 0

وبعد كده فى الصورة التالية شوفوا معانا

221bg.png

بكده إخوانى يبقى إحنا خلصنا أول خطوة من الخطوات اللى قلنا هانمشى عليها وهيا دعم اللغة العربية قراءة وكتابة وانتظرونا إن شاء الله المشاركة الجاية ونشوف ازاى نبدأ نسطب أى برنامج إحنا عاوزينه

ليا طلب صغير كل اللى طالبه منكم بس دعوة بظاهر الغيب عسى الله أن يرحمنى بها

بسم الله نبدأ

بعون الله نكمل موضوعنا والمشاركة السابقة اتكلمنا على دعم اللغة العربية كقراءة وكتابة والحمدلله انتهينا من النقطة دى وكانت تمام وعرفنا ازاى نضيف خطوط للنظام

المشاركة دى إن شاء الله هنكمل بقى الخطوة رقم 2 اللى قلنا عليها ولو تفتكروا كانت تنصيب البرامج البرامج بثلاثة طرق مختلفة

طريقتين هانستخدم منهم الواجهة الرسومية والطريقة الثالثة من خلال أوامر الشل

يالا بسم الله نبدأ

أول طريقة معانا إن شاء الله هتكون من خلال synaptic package manager

والأداة دى هنلاقيها كده فى من خلال المسار ده

System > Administration >Synaptic Package Manager

شوفوا الصورة معايا كده

239kj9uy.jpg

بعد كده هنضغط على على synaptic package manager وهتظهر لينا الصورة التالية

262kr.png

طيب بعد ما شفنا الأساسيات فى الصورة اللى فاتت وشفنا بعض الوظائف لبعص الحاجات دلوقتى علشان نقدر نسطب أى برنامج لازم كل السيرفرات الخاصة بالubuntu تكون نشطة علشان الموضوع ده هايسهل علينا كتير لما نحب نسطب او نعمل بحث عن برنامج معين وعلشان ننشط السيرفرات الخاصة بالubuntu المسئول عن الموضوع ده ملف موجود فى المسار ده اللى انتم شايفينه فى الصورة فى أول سطر

طبعا لازم نفتح الTerminal قبل كل حاجة من ِApplications وبعد كده Accessories وبعد كده نختار Terminal ونبدأ نطبق الأوامر اللى فى الصورة

290af.png

بعد ما شفنا الصورة ووصلنا للمسار اللى فيه الملف sources.list طبعا هانكتب الأمر nano -w sources.list وعارفين من المشاركات اللى فاتت انه nano محرر نصوص الهدف منه تعديل اضافة حذف اى حاجة من على أى ملف

المهم بعد ما هانكتب nano -w sources.list هايظهر لينا الآتى

306id.png

زى ماشفتم فى الصورة الهدف كان من كل ده عرض محتويات الملف sources.list مش أكتر دلوقتى كل المطلوب عمله إننا نحط الملف sources.list اللى هو أنا زبطته وجاهز علشان ننشط السيرفرات المطلوبة وهيكون عن طريق الأمر cp زى ما هاتشوفوا فى الصورة معايا

310fn.png

بعد ما شفتم الصورة كده كله تمام والملف الجديد بقى مكان القديم خلال دلوقتى هنروج بقى ل System >Administration >synaptic package manager

وبعد ما تفتح زى ما شفنا فى الصورة الأولى هنضغط على زرار Reload شوفوا معايا ايه اللى هايحصل

257zc.png

طبعا بعد ما ضغطنا على Reload هايبدأ يعمل Update للبرامج الموجودة

وبكده يكون كله تمام وكل حاجة احنا عاوزنها اتعملت

بعد مايخلص عمل update ممكن تتطلع رسالة خطأ بالشكل ده بس مافيش منها خوف عادى اضغط على Close لأنه الموجود فى الرسالة إنه مش قادر يتعرف على Cd-rom لأنها بتمثل عندنا سيرفير عليه بعض البرامج شوفوا كده معايا فى الصورة للتوضيح مش اكتر

246aw.png

بعد ما هانضغط على Close هترجع الصفحة الأساسية بالشكل د

326cf.png

طيب لو عاوزبن مثلا نبدأ نسطب برنامج زى ما قلنا هنا البرامج متقسمه تصنيفات على حسب الاستخدام فى القائمة اللى على الشمال ياعنى محررات النصوص لوحدها برامج المالتي ميديا لوحدها وهكذا لو حبينا مثلا نسطب برامج من برامج محررات النصوص مثلا زى برنامج Emacs الشهير كل اللى هنعمله هنشوف كلمة Editors

338ta.png

بعد ما ضغطنا على Mark For InsTallation هاتظهر الشاشة دى ويقولك إن فى بعض الحاجات التانية لازم تنزل علشان الEmacs كل اللى هتعمله تضغط على Mark

346ks.png

دلوقتى خلاص البرنامج جاهز على التسطيب كل المطلوب بقى تضغط على كلمة Apply شوفوا الصورة معايا

356ev.png

دلوقتى خلاص احنا فى آخر خطوة شوفوا الصورة معايا وهنعمل فيها ايه

367hz.png

وهنا خلاص بيبدأ يفك الحزم اللى نزلها وبيبدأ يسطب البرامج

373ur.png

هنا خلاص البرنامج اتسطب وكل حاجة بقت فل الفل

399au.png

زى ما شفتم فى الطريقة دى مجرد شوية خطوات معتادة مش أكثر وكل ما تحب تسطب برنامج من خلال الطريقة دى هتحسوا إنه الموضوع بسيط جدا ومش معقد

وأكيد لو حبينا نسطب اى برنامج تانى نعمل نفس الخطوات بس مع الفرق إنه اسم البرنامج المطلوب ايه وهايكون تحت أى تصنيف وهكذا وبرده علشان نبقى فى الأمان أنا مش بفضل الطريقة دى فى تسطيب أى برنامج لأنها تعتبر بالنسبة لمستخدم لينكس عيب إنه يعمل حاجة زى دى ( الكلام ده نسيبه لبتوع ويندوز ولا ايه )

إحنا كان كل الهدف من الطريقة دى ننشط السيرفرات علشان ده هايفيدنا بعد كده فى تسطيب أى برنامج من خلال الشل وأوامره

نيجى بقى للطريقة الثانية وهيا تسطيب البرامج من خلال قائمة Add/remove

على طول بقى أول حاجة تروحوا ل Applicatios > Add/Remove

وهتظر الصورة دى معانا الأداة فيها بتعمل فحص للبرامج اللى معمول ليها تسطيب والبرامج اللى لسه مش معمول ليه شوفوا الصورة

401zd.png

بعد كده هتظهر لينا الصورة دى

417fo.png

وأنا وضعت ليكم ملف الsources.list فى المرفقات الشامل لكل سيرفرات تحميل البرامج لانه الملف اللى بينزل مع التوزيعة ينقصه الكثير من هذه السيرفرات وذلك حتى تسهل عملية تسطيب اى برنامج والpackages المطلوبة له وكل ماعليكم فعله نسخ الملف الموجود فى المرفقات إلى المسار الأصلى وهو

/etc/apt/

وبكده يبقى احنا خلصنا أول طريقتين معانا وإن شاء الله هنكتفى انهارده بكده والمرة الجاية هنشوف الشل وأوامره ونعمل كل حاجة من عليه وبكررها تانى بالله عليكم اللى طالبه منكم دعوة بظاهر الغيب مش أكتر

ولو فى اى أسئلة أنا فى الخدمة إن شاء الله ......

السلام عليكم ورحمة الله وبركاته

0

شارك هذا الرد


رابط المشاركة
شارك الرد من خلال المواقع ادناه
  • 0

ماشاء الله عليك اخىالغالى

اكثر من رائع

ولى طلب بسيط

انت نسيت تضيف الملف فى المرفقات ؟؟؟؟؟؟

0

شارك هذا الرد


رابط المشاركة
شارك الرد من خلال المواقع ادناه
  • 0

بدات في تحميل النسخة و جاري تنفيذ خطوات الشرح. يارب يبعد عننا الناس بتوع الويندوز

0

شارك هذا الرد


رابط المشاركة
شارك الرد من خلال المواقع ادناه
  • 0

مشكور على هذه جهود الرائعة

0

شارك هذا الرد


رابط المشاركة
شارك الرد من خلال المواقع ادناه
  • 0

السلام عليكم..

استاذي MYSQL

حبيت أسألك..

أنا نزلت الـUbuntu 6.10 على جهازي.. باستخدام لـ Bittorent

تمام..

اللحين لو أبغى أحمل الـ Ubuntu

على جهازي اللي مواصفاته/

------------------

System Information

------------------

Operating System: Microsoft Windows XP Professional (5.1, Build 2600) Service Pack 1 (2600.xpsp1.020828-1920)

Language: Arabic (Regional Setting: Arabic)

System Manufacturer: INTEL_

System Model: D845PESV

BIOS: INTEL - 20030317

Processor: Intel® Pentium® 4 CPU 2.40GHz

Memory: 510MB RAM

Page File: 345MB used, 1336MB available

هل أستطيع تحميله على جهازي؟

طيب.. إذا (نعم)

هل تحميله بيؤثر على الـ XP..؟أو على أي حاجة في جهازي..ملفات..إلخ؟؟؟

وهل أحطه مع الـ بارت اللي فيه الـ XP?

..

ومشكووور.. : )

أخوك

MR.Java

0

شارك هذا الرد


رابط المشاركة
شارك الرد من خلال المواقع ادناه
  • 0

جزاك الله كل خير , أنا كنت مأجل تجربة اى Linux لأجل غير مسمى بس دلوقتى معنديش حجة أجربه بس عندى سؤال أنا محتاج اد ايه مساحة من الـ HDD علشان أنزله , و بعدين أنا الـ Active Partition عندى NTFS و عايز أنزله على أول Partition بعديه يعنى الـ D هل فيه مشكلة ؟

أعذرنى أنا جاهل تماما بهذا النظام و عندى رغبة بتعلمه و التعامل معاه , شكرا ليك.

0

شارك هذا الرد


رابط المشاركة
شارك الرد من خلال المواقع ادناه
  • 0

السلام عليكم

جزاكم الله خيرا إخوانى على الردود وألتمس العذر منكم فى تأخير الرد

بالنسبة لك أخى Mr.Java امكانيات الجهاز عندك ممتازة وتفى بالغرض تماما بل وأقل من ذلك وستعمل بكفاءة أما كونة يؤثر على البارتشن اللى فيه ال xp فا كن مطمئن انت كل اللى محتاجه بس بارتشن تانى غير بارتشن الxp ويكون كل شىء عندك تمام لانك بمجرد ما تخلص تثبيت ال ubuntu ال bootloader هيسألك هل عاوز تحطه فى ال mbr وﻻ ﻻ علشان لو فيه os تانى موجود يقدر يجيب ليك شاشة اختيار ما بينهم

وطبعا مش هينفع تحط ال ubuntu وال xp على بارتشن واحد لأنه نظام الملفات اللى بيتعامل بيه ubuntu مختلف تماما عن اللى بيتعامل بيه ال xp وفى حالتنا لك حرية الاختيار مابين نظام الملفات وعن نفسى أستخدم ext3 ممكن تستخدم ext2 او ResierFs

بالنسبة للأخ msayed المساحة اللى انت محتاجها لتنزيل الubuntu كحد ادنى 2 جيجا اكتر من كده هيكون بالطبع احسن ولو انت عاوز تنزله على ال active بارتشن اللى هو فى حالة ويندوز مثلا بيكون ال c كده كده أثناء عملية التثبيت ﻻزم تختار احد نظم ملفات اللينوكس اللى انا ذكرتها فوق دى ومنها ext2 , ext3 and ResierFs

وإن شاء الله موفقين فى التثبيت

وهذا رابط لكتاب التوزيعة

http://www.freewarearabia.com/Ubuntu_Linux...Edition.pdf.zip

السلام عليكم ورحمة الله وبركاته

0

شارك هذا الرد


رابط المشاركة
شارك الرد من خلال المواقع ادناه
  • 0

وعليكم السلام..

أهلاً أخي MYSQL

شكرأً ع الإجابة...

أنا استخدمت الـ Ubuntu 6.10.. بدون ما أنزله ع الـ هاردسك.

يعني... دخلت الـ CD... وأعدت التشغيل... و اشتغلت عليه...

كانت تجربة رائعة... ;)

طيب بأسألك/

هل أحتاج أفرمت البارت اللي بأنزله عليه الـ Ubuntu.؟ لأن كل البارتز عندي بـ نظام NTFS.؟

ووين أجد البرامج اللي تشتغل ع الـ XP.. وممكن تشتغل ع الـ Ubuntu.؟ مثل الـ MSN Meassenger.. أو بديل له..؟؟

وشكراً لك..

0

شارك هذا الرد


رابط المشاركة
شارك الرد من خلال المواقع ادناه
  • 0

السلام عليكم

هلا بيك أخوى

بالنسبة للتجربة أتمنى إنها تكون دوما وباستمرار ;)

وبالنسبة للسؤال نعم البارت اللى ال ubuntu هتنزل عليه ﻻزم يتفرمت وأنا ذكرت ده فى رد السابق ولكن شكلك ماخدتش بالك إنه ال ubuntu تستخدم file system بيكون لك حرية الاختيار فيه مابين ext2 , ext3 or resierFS وانا شغال ب ext3

أما بالنسبة للبرامج فا الكتاب تقريبا فيه معظم المواضيع اللى المستخدم بيحتاجها فى بداية شغله مع لينوكس نزل الكتاب وهتلاقى فيه كل اللى انت محتاجه إن شاء الله

السلام عليكم

0

شارك هذا الرد


رابط المشاركة
شارك الرد من خلال المواقع ادناه
  • 0

جزاكم الله خيراً أخي على الشرح الممتع وعلى فكرة يمكن لأي فرد يرغب في الحصول على اسطوانات مجانية من الموقع الرسمي لأبونتو أن يسجل نفسه على الرابط التالي https://shipit.ubuntu.com/ وسوف تصله الإسطوانات خلال 30 يوم تقريباً ويتحمل تكلفة الشحن فقط أنا وصلني 5 اسطوانات (من هولندا) ودفعت تكاليف شحن 30 جنيه فقط لا غير يا بلاش .

سبحان الله وبحمده سبحان الله العظيم

0

شارك هذا الرد


رابط المشاركة
شارك الرد من خلال المواقع ادناه
  • 0

شكراً أخى الكريم على الشرح الممتع :)

وها انا بالفعل قد قمت باعداد نظام ابونتو 6.10 على جهازى الخاص

وقمت بعمل اللزم من تعريب وتوصيف الكيبورد وتغيير اللغة

ولكن انتظر منك ترجمة البرامج وتشغيلها من سطر الاوامر :rolleyes:

فهل ستكمل الشرح ام ننتظرك

ان جئت للحقيقة فشرحك شيق شيق شيق وممتع جدا

ارجو منك اكمال الموضوع

وخاصة عملية الـ compile من سطر الاوامر الشيل :unsure:

ومرة أخرى مشكووور على شرحك الرائع :)

تم تعديل بواسطه diedo_1
0

شارك هذا الرد


رابط المشاركة
شارك الرد من خلال المواقع ادناه
  • 0

الكتاب الصراحه مفيد جدا لمن يريد الدخول الى توزيعه اوبينتو
حيث انه ينفرد بانه الدليل العربى تقريبا الوحيد الموجود لدى المستخدم العربى
 

تم تعديل بواسطه أحمد أبو عبد البر
0

شارك هذا الرد


رابط المشاركة
شارك الرد من خلال المواقع ادناه
  • 0

النسخة الحالية لايف أخى الحبيب

أدخل الموقع الرسمى وحملها مجانا ورابط مباشر وسريع جداً

وفقنا الله وإياكم لما يحبه ويرضاه

0

شارك هذا الرد


رابط المشاركة
شارك الرد من خلال المواقع ادناه
  • 0

السلام عليكم ..

ربما جاء ردي متاخر بعض الشئ لكن ظروفي منعتني من متابعة المنتدى لمدة طويلة ..

عموما اخي بارك الله فيك على شرحك وفعلا جعلتني انا شخصيا متحمس جدا لتجربة هده النسخة من لينكس والمعلومات ممتازة جدا وشرحك اكثر من مميز .. ولكن عندي ملاحظة بخصوص اللينك الخاص بالكتاب فارجو من حضرتكم ان تعيدو رفعه لأجل اتمام الاستفادة فهو لا يعمل http://www.freewarearabia.com/Ubuntu_Linux...Edition.pdf.zip

ارجو منكم التاكد ولكم مني جزيل الشكر وربنا يزيدكم من علمه ودمتم ..

0

شارك هذا الرد


رابط المشاركة
شارك الرد من خلال المواقع ادناه
  • 0

تعقيب اخر معلش ..

لمادا لا يكون الشرح متجمع في ملف واحد pdf ويكون فيه كل شرحك المتميز ..

0

شارك هذا الرد


رابط المشاركة
شارك الرد من خلال المواقع ادناه
  • 0

الله يوفقك يالغالي

ما قصرت

0

شارك هذا الرد


رابط المشاركة
شارك الرد من خلال المواقع ادناه
زوار
This topic is now closed to further replies.

  • يستعرض القسم حالياً   0 members

    لا يوجد أعضاء مسجلين يشاهدون هذه الصفحة .